# နက္ခတ္တပညာ နှင့် နက္ခတ်ဗေဒင်ပညာ

.

နက္ခတ္တပညာ(Astronomy) နဲ့ နက္ခတ်ဗေဒင်ပညာ(Astrology) တို့ဟာ (မြန်မာရော/ အင်္ဂလိပ်ပါ) နာမည်ခြင်း ခပ်ဆင်ဆင်တူကြပေမယ့် မတူညီဘဲ ကွဲပြားခြားနားတဲ့ ပညာရပ် နှစ်ခု ဖြစ်ပါတယ်။ လူအတော် များများဟာ ဒီကွဲပြားခြားနားမှု ကို မသိကြပါဘူး။ အတော်များများ ကတော့ အတူတူလို့ဘဲ ထင်ကြပါတယ်။ တူတယ်လို့ ထင်ရလောက်အောင် လည်း ဆင်တူတဲ့ အချက်တွေက တော်တော်များပါတယ်။ ဂြိုဟ်တွေ နက္ခတ်တွေကို လေ့လာမှုတွေ၊ ရာသီခွင်တွေ ၊  နေကြတ်တာတွေ၊ လကြတ် တာတွေကို ပြောဆို ရေးသားကြတာတွေဟာ တစ်ခုနဲ့တစ်ခု တူညီကြသလိုပါဘဲ။ ဒါပေမယ့် မတူညီကြပါဘူး။

ကမ္ဘာပေါ်မှာရှိတဲ့ ပညာရပ်တစ်ခု ခြင်းစီအပေါ်မှာ သတ်မှတ်ထားတဲ့ အဓိပ္ပါယ်ဖွင့်ဆိုချက် (Definition) အရ ပြောရရင် ဒီပညာနှစ်ခုဟာ လုံးဝ မတူညီကြပါဘူး။ အဘိဓါန်တွေမှာ နက္ခတ္တပညာ (Astronomy) ကို  Scientific Study of Universe လို့သတ်မှတ်ပြီး နက္ခတ်ဗေဒင်ပညာ (Astrology) ကိုတော့ Study of Relation Between Planets and Human Affairs လို့ အဓိပ္ပါယ်သတ်မှတ်ကြပါတယ်။ သိပ္ပံပညာဆိုတဲ့ အသုံးအနှုံး မပါပါဘူး။

သိပ္ပံပညာရပ်တို့ ဟူသည်

နက္ခတ္တပညာဆိုတာ “သိပ္ပံပညာစစ်စစ်” ဖြစ်ပါတယ်။ Science လို့ခေါ်တဲ့ သိပ္ပံပညာ စစ်စစ်ပါ။ သိပ္ပံပညာ ဆိုတာ မှန်ကန်တဲ့ အချက်အလက် တွေအပေါ်မှာသာ အခြေပြုရပါတယ်။ သိပ္ပံပညာမှာ “သီအိုရီ” လို့ ခေါ်တဲ့ ဥပဒေသတွေ ဆိုတာလည်း အမြဲတန်းမှန်ကန်နေရပါတယ်။ မှန်တဲ့အခါမှန်လိုက်၊ မှားတဲ့ အခါမှားလိုက် မဖြစ်ရပါဘူး။

အစတုန်းက မှားယွင်းယူဆခဲ့ရင်လည်း အမှန်ကို တွေ့လာရင် ချက်ခြင်းပြင်ဆင်ရပါတယ်။ ဒါမှ သိပ္ပံပညာလို့ ခေါ်ပါတယ်။ နက္ခတ္တ ပညာဟာ သိပ္ပံပညာဖြစ်တဲ့အတွက် ပြီးခဲ့တဲ့နှစ်ပိုင်းတွေက “ပလူတို Pluto ဂြိုဟ်ကို နေစင်္ကြဝဠာ အဖွဲ့အစည်းထဲကနေ ထုတ်ပယ်လိုက်တာကို ဂျာနယ်တွေထဲမှာ တွေ့ဖူးလိုက်ကြမှာပါ။ ဒါဟာ သိပ္ပံပညာရဲ့ ပြယုဂ်ပါဘဲ။ နေစင်္ကြာဝဠာရဲ့ ပတ်လမ်း သီအိုရီ တွေနဲ့ မညီညွတ်တာကြောင့် “ပလူတို“ဂြိုဟ်ကို နေစင်္ကြာဝဠာ ထဲက ဂြိုဟ်တစ်လုံးအဖြစ်ကနေ ပယ်ထုတ် လိုက်ကြတာပါ။ နေစင်္ကြာဝဠာပြင်ပက ဂြိုဟ်တစ်လုံးအနေနဲ့ ခွဲခြားထုတ်လိုက်တာပါ။  ဒီလို ထုတ်ပယ်မှုကို  နက္ခတ်ဗေဒင် ပညာရှင် (ဗေဒင်ဆရာ) အတော်များများက ကန့်ကွက်ခဲ့ကြပါတယ်။ ဒါဟာ နက္ခတ်ဗေဒင်ပညာရှင်တွေရဲ့ အစွဲအလမ်း ကြီးမှု၊ အယူအဆဟောင်း တွေအပေါ်မှာ မစွန့်လွှတ်နိုင်မှုတွေကို ဖော်ပြလိုက်သလိုပါဘဲ။

သိပ္ပံပညာရပ်ထဲမှာ အကျုံးမဝင်ပါ

တကယ်တော့ နက္ခတ်ဗေဒင်ပညာဆိုတာ သိပ္ပံပညာ လုံးဝ မဟုတ်ပါဘူး။ အိန္ဒိယနိုင်ငံလို နက္ခတ်ဗေဒင်ပညာ အလွန်ဖွံ့ဖြိုးတိုးတက်တဲ့ နိုင်ငံမှာ နက္ခတ်ဗေဒင်ပညာကို ဘွဲ့တွေ၊ ဒီဂရီတွေ၊ ဒေါက်တာဘွဲ့တွေပေးပြီး နက္ခတ်ဗေဒင် ပညာရဲ့ ဂုဏ်သိက္ခာကို မြှင့်တင်ဖို့ ကြိုးစားနေကြပေမယ့်လည်း တစ်ကမ္ဘာလုံးမှာရှိတဲ့ သိပ္ပံပညာရှင်တွေကတော့ ဗေဒင်ပညာကို သိပ္ပံပညာစာရင်းထဲမှာ လုံးဝထည့်မထားကြပါဘူး။ တကယ်တော့ နက္ခတ်ဗေဒင်ပညာဆိုတာ ဂြိုဟ်နက္ခတ်တွေရဲ့ သွားလာ လှုပ်ရှား မှုတွေ၊ ပူးယှဉ်မှုတွေ၊ ဒီဂရီအနေအထားအပေါ်မှာ အခြေခံပြီး လူတွေရဲ့ ကံကြမ္မာနဲ့ အနာဂါတ်မှာ ဖြစ်ပေါ်လာမယ့် အကြောင်း အရာတွေကို ခန့်မှန်းတဲ့ ပညာတစ်ခုသာဖြစ်ပါတယ်။ ပညာအမျိုးအစား သတ်မှတ်ရရင် (Occult) လို့ခေါ်တဲ့ ဂမ္ဘီရပညာ အမျိုးအစားပါ။ နက္ခတ်ဗေဒင်ပညာဟာ မှန်ကန်တဲ့ အချက်အလက်တွေ အပေါ်မှာ အခြေပြုမှု နည်းပါတယ်။ အယူအဆ ဟောင်းတွေကို လက်ခံထားပါတယ်။ တခြားဟာကို မကြည့်ပါနဲ့။ နက္ခတ္တပညာအရ အခုကျွန်တော်တို့ရဲ့ နေစင်္ကြာဝဠာကြီးဟာ နေကို ဗဟိုပြုပြီး ကမ္ဘာအပါအဝင်ဂြိုဟ် (၈)လုံးက သူ့ပတ်လမ်းနဲ့သူ လှည့်ပတ်နေတာပါ။ မူလတန်းကျောင်းသားလေးတစ်ယောက်တောင် ဒါကို သိနိုင်ပါတယ်။

တော်လမီ  က စ,ခဲ့တဲ့ အယူအဆ

ခရစ်တော်ပေါ်ပြီး အေဒီ (၂)ရာစုနှစ်လောက်မှာ Ptolemy (တော်လမီ) လို့ခေါ်တဲ့ သင်္ချာနဲ့ နက္ခတ်ပညာရှင် တစ်ဦးဟာ ကမ္ဘာကို ဗဟိုပြုပြီး ကျန်တဲ့ နေ၊ လ၊ နက္ခတ်တာရာတွေက လှည့်ပတ်နေတယ်ဆိုတဲ့ အယူအဆကို ဖော်ထုတ် ခဲ့ပြီး  အဲဒီအယူအဆကို ရာစုနှစ်ပေါင်း (၁၄)စု (နှစ်ပေါင်း ၁၄ဝဝလောက်) ကြာအောင် လက်ခံထားခဲ့ကြဘူးပါတယ်။

ဒါပေမယ့် (၁၆)ရာစုနှစ်မှာ  Nicolaus Copernicusနီကိုလပ်စ် ကော့ပါးနီးကပ်စ်” လို့ ခေါ်တဲ့ ပိုလန်လူမျိုး နက္ခတ်ပညာရှင်တစ်ဦးဟာ နေနဲ့ဂြိုဟ်တွေဟာ ကမ္ဘာကို ဗဟိုပြုပြီး လှည့်ပတ်နေတယ်ဆိုတဲ့ “တော်လမီ” ရဲ့ အယူအဆကို ဆန့်ကျင်တော်လှန်လိုက်ပြီး ကမ္ဘာအပါအဝင် ဂြိုဟ်အားလုံးကသာ နေကို ဗဟိုပြုပြီး လှည့်ပတ် နေကြတယ် ဆိုတဲ့ အယူအဆကို ဖော်ထုတ်လိုက်ပါတယ်။ အစပိုင်းမှာတော့ သူ့အယူအဆကို လက်ခံသူ နည်းခဲ့ပြီး ဆန့်ကျင်မှုတွေ ၊ ပိတ်ပင်တားဆီးမှုတွေကို ခံခဲ့ရပေမယ့် ယခုလက်ရှိအချိန်မှာတော့ ဒါဟာ အယူအဆတစ်ခုမျှသာ မဟုတ်ဘဲ တစ်ကယ့် အမှန်တရားတစ်ခုဖြစ်နေပါပြီ။

ဒါပေမယ့် နက္ခတ်ဗေဒင်ပညာကတော့ ကမ္ဘာကို ဗဟိုပြုပြီး နေအပါအဝင် ကျန်တဲ့ဂြိုဟ် (၈)လုံးက လှည့်ပတ် နေတဲ့ အေဒီ(၂) ရာစုနှစ်ကတည်းက အယူအဆကြီးကို အခုအချိန်အထိ လက်ခံထားကြဆဲပါ။ ဒါကြောင့် နက္ခတ်ပညာနဲ့ ဖွဲ့ထားတဲ့ ဇာတာခွင်တစ်ခုကို လေ့လာကြည့်ရင် ဒီအထဲမှာ ကမ္ဘာဂြိုဟ်ကို တွေ့ရမှာ မဟုတ်ပါဘူး။ “နေ” ဟာ အခြားဂြိုဟ်တွေနဲ့ အတူ (၁၂)ရာသီခွင် အတွင်းမှာ လှည့်ပတ်နေတာကိုသာ တွေ့ရပါလိမ့်မယ်။ ဒါဟာ ကမ္ဘာကို အလည်ဗဟိုမှာ ထားတဲ့ လွန်ခဲ့တဲ့ နှစ်ပေါင်း (၁၈ဝဝ)ကျော်က “တော်လမီ” ရဲ့ အယူအဆဟောင်းကြီးပါ။

ကမ္ဘာရဲ့ အရံဂြိုဟ် “လ”

နောက်တစ်ခုက ကမ္ဘာရဲ့ အရံဂြိုဟ် တစ်ခုသာဖြစ်တဲ့ “လ” ကို နက္ခတ်ဗေဒင်ပညာက ဂြိုဟ်ကြီးတစ်ခုလို့ ယူဆ ထားပါတယ်။ လူတွေရဲ့ ဘဝကံကြမ္မာ အပေါ်မှာ အများဆုံးလွှမ်းမိုးထားတဲ့ ဂြိုဟ်ကြီး တစ်လုံးအဖြစ်ယူဆ ထားကြပါတယ်။ တစ်ကယ်တော့ “လ” ဟာ နေပတ်လမ်းထဲမှာ ပါဝင်တဲ့ ဂြိုဟ်ကြီးတစ်ခု အဆင့်မှာ မရှိပါဘူး။ ဂြိုဟ်ကြီးတစ်ခုဖြစ်တဲ့ ကမ္ဘာဂြိုဟ်ရဲ့ အရံဂြိုဟ် တစ်လုံးမျှ သာ ဖြစ်ပါတယ်။  ဗေဒင်ပညာမှာတော့ အရှေ့တိုင်းစနစ်ရော အနောက်တိုင်းစနစ်မှာပါ “လ” ဆိုတဲ့ တနင်္လာဂြိုဟ်ဟာ သိပ်ကို အရေးပါလှတဲ့ ဂြိုဟ်ကြီးတစ်လုံးအဖြစ် ယူဆကြပါတယ်။လူတွေရဲ့ ဘဝကံကြမ္မာကို စိုးမိုးမှု အရှိဆုံးဂြိုဟ်ကြီးတစ်ခုအဖြစ် တင်စားထားကြပါတယ်။ အနောက်တိုင်း (သာယန)ဇာတာတွေမှာ တနင်္လာဂြိုဟ် ဆိုတဲ့ “လ” နဲ့ ကျန်ဂြိုဟ်တွေရဲ့ ဒီဂရီအနေအထားပေါ်မှာ မူတည်ပြီး လူတစ်ယောက်ရဲ့ ကံကြမ္မာကို အဆုံးအဖြတ်ပေး နိုင်သလို၊ အရှေ့တိုင်း (နိယာယန)ဇာတာတွေမှာ တနင်္လာဂြိုဟ်ရောက်ရှိနေတဲ့ နက္ခတ်ပေါ်မှာမူတည်ပြီး နိယာယနစနစ် ရဲ့ ကျောရိုးလို့ ဆိုနိုင်တဲ့ “ဒဿာစနစ်” ကို တည်ဆောက်ထားခြင်းဖြစ်ပါတယ်။ နောက်ပြီး ထရန်းစစ်(Transit) လို့ခေါ်တဲ့ ကောဇာဂြိုဟ်သွားစနစ် ကလည်း တနင်္လာဂြိုဟ်ကနေ စတင်ပြီး ရေတွက်ထောက်ရှုရတာဖြစ်ပါတယ်။

ကြာသတေးဂြိုဟ်နဲ့သောကြာဂြိုဟ်တွေဟာ သောမဂြိုဟ်တွေတဲ့လား

နောက်တစ်ခုကြည့်ပါဦး။ နက္ခတ်ဗေဒင်ပညာမှာ သောမဂြိုဟ်ကြီးဖြစ်တဲ့၊ ကောင်းကျိုးအင်မတန် ပေးတတ်တယ် ဆိုတဲ့ ကြာသပတေးဂြိုဟ်ကြီးဟာ လျှပ်စစ်သံလိုက်မုန်တိုင်းတွေ အဆက်မပြတ်တိုက်ခတ်နေတဲ့ အလွန်လှုပ်ရှားမှု ပြင်းထန်တဲ့ ဂြိုဟ်တလုံးဖြစ်တယ်လို့ နက္ခတ်တာရာ ပညာရှင်တွေရဲ့ တွက်ချက်တိုင်းထွာမှုတွေအရ သိရပါတယ်။ နက္ခတ္တပညာအရဆိုရရင် ဆိုရင် ဂြိုဟ်ဆိုးကြီးပေါ့။ သောကြာဂြိုဟ်ကျပြန်တော့လည်း ဗေဒင်ပညာမှာ အချစ်၊ အိမ်ထောင်ရေး၊ ကာမဂုဏ်၊ အလှအပ၊ နူးညံ့သိမ်မွေ့မှု၊ အနုပညာ၊ အာရုံခံစားမှုတွေကို ပေးတဲ့ဂြိုဟ်၊ သောမဂြိုဟ် (ဂြိုဟ်ကောင်းကြီး) လို့ သတ်မှတ်ခံရတဲ့ဂြိုဟ်၊ အဲဒီဂြိုဟ်ကြီးဟာလည်း အက်စစ်ဓာတ်တွေများလွန်းပြီး ပူပြင်း တောက်လောင်လွန်းတာကြောင့် သက်ရှိတွေနေထိုင်ဖို့ မဖြစ်နိုင်တဲ့ဂြိုဟ်ဖြစ်နေပါတယ်။ နောက်တစ်ခု နက္ခတ်ဗေဒင်ပညာ မှာ ပါပဂြိုဟ်ကြီးလို့ သတ်မှတ်ခံရပြီး၊ စစ်မက်ဖြစ်ပွားခြင်း၊ ကပ်ရောဂါနဲ့ သွေးထွက်သံယိုမှုတွေကို ဖြစ်စေတဲ့ ပါပဂြိုဟ်ကြီးလို့ခေါ်တဲ့ အင်္ဂါဂြိုဟ်ဟာ လက်တွေ့မှာတော့ လူတွေ သွားရောက် နေထိုင်မယ်ဆိုရင်တောင် နေလို့ ဖြစ်နိုင်လောက်တဲ့ ငြိမ်းချမ်းတဲ့ ဂြိုဟ်တစ်လုံး ဖြစ်နေပါတယ်။ တစ်ချိန်တုန်းက သက်ရှိတွေ ရှိခဲ့တဲ့ အထောက်အထား တွေ ရှိတဲ့ဂြိုဟ်တစ်လုံး ဖြစ်နေပါတယ်။

တကယ်မရှိတဲ့ ရာဟု နဲ့ ကိတ်

အရှေ့တိုင်း ဟိန္ဒူနည်းစနစ်မှာ ပါဝင်နေတဲ့ ရာဟုဂြိုဟ်နဲ့ ကိတ်ဂြိုဟ် ဆိုတာကကော။ တစ်ကယ့် ဂြိုဟ်တွေဟုတ် ပါရဲ့လား။ မဟုတ်ပါဘူး။ နေပတ်လမ်းကြောင်းထဲမှာ ရာဟုဂြိုဟ်တို့၊ ကိတ်ဂြိုဟ်တို့ဆိုတာ မရှိပါဘူး။ ရာဟု နဲ့ ကိတ်ဂြိုဟ် ဆိုတာ ကမ္ဘာရဲ့ အရိပ်ဂြိုဟ်တွေသာဖြစ်ပါတယ်။ ဖန်တီးထားတဲ့ ဂြိုဟ်တွေသာဖြစ်ပါတယ်။ ဒါပေမယ့် နက္ခတ်ဗေဒင် ပညာမှာတော့ ဒီဂြိုဟ်ကြီးနှစ်လုံးကို တစ်ကယ့်ဂြိုဟ် အစစ်ကြီးတွေနဲ့ တန်းတူထားပြီး တွက်ချက်ဟောပြောနေကြတာဘဲ မဟုတ်လား။ ဒဿာစနစ်ထဲမှာလည်း ထည့်ထားပြီး တွက်ချက်ဟောပြောနေကြတာဘဲ မဟုတ်ပါလား။

နောက်ပြန်ဆုတ်သွားတဲ့ဂြိုဟ်ရှိသလား

နက္ခတ်ဗေဒင်ပညာရဲ့ သံဒိဌာန်ပြက္ခဒိန်တွေမှာတွေ့ရတဲ့ ဂြိုဟ်တွေ “ဝကြ” သွားတယ်ဆိုတဲ့ ကိစ္စ ရှိပါတယ်။ “ဝကြ” သွားတယ်ဆိုတာ ဂြိုဟ်တွေ နောက်ပြန်ဆုတ် သွားတာပါ။ တကယ်တော့ နေစင်္ကြဝဠာရဲ့ ပတ်လမ်းထဲမှာ  ဘယ်ဂြိုဟ်မှ နောက်ပြန်မသွားပါဘူး။ ဖြစ်ပုံက ဒီလိုပါ။ ကိုယ်က တနာရီ မိုင် (၈ဝ) နှုံး နဲ့ သွားနေတဲ့ ကားပေါ်မှာ ထိုင်လိုက် နေရင်းနဲ့ တစ်နာရီ (၄ဝ) မိုင်နှုံးနဲ့ သွားနေတဲ့ ကားကို ဖြတ်သွားလိုက်ရင် ဖြတ်သန်းနေချိန်မှာ ရှေ့ကကားဟာ နောက်ကို ဆုတ်သွားတယ်လို့ ထင်ရတယ်မဟုတ်လား။ တကယ်တော့ ဟိုကားကလည်း ရှေ့ကို သွားနေတာဘဲ မဟုတ်လား။ ဒါပေမယ့် ကိုယ့်ကားလောက် မမြန်လို့ နောက်ဆုတ်သွားတယ်လို့ ထင်ရတာပါ။ နေစင်္ကြာဝဠာမှာရှိတဲ့ ဂြိုဟ်တွေရဲ့ ပတ်လမ်းကြောင်းဟာ စက်ဝိုင်းပုံမဟုတ်ဘဲ ဘဲဥပုံဖြစ်နေလို့ တစ်ချို့နေရာတွေမှာ ဒီလိုဖြစ်သွားရတာပါ။ “ဒါဟာ ကမ္ဘာကို အလည်ဗဟိုမှာထားတဲ့ သီအိုရီရဲ့ ရလဒ် တစ်ခုလည်း ဖြစ်ပါတယ်”။ ကမ္ဘာပေါ်ကနေကြည့်ရင် မြင်ရတဲ့ အမြင်ပါ။

နက္ခတ်ဗေဒင်ပညာမှာတော့ ဒီလိုဖြစ်တာကို ဂြိုဟ်နောက်ဆုတ်တာ(ဝကြသွားတာ)လို့ ယူဆပြီး ဂြိုဟ်တစ်လုံး (ဝကြ) သွားချိန်မှာ ထူးခြားတဲ့ ဟောကိန်း တွေဖြစ်လာတတ်ပါတယ်။ အကောင်းအဆိုးတွေ ဖြစ်လာပါတယ်။

ကျွန်တော်ဟာ ကိုယ်တိုင်က နက္ခတ်ဗေဒင်သမားတစ်ဦးဖြစ်ပြီး နက္ခတ်ဗေဒင်ပညာရဲ့ ချို့ယွင်းချက် အားနည်းချက်တွေကို အခုလို ဖော်ထုတ်နေရတာဟာ “ကိုယ့်ပေါင်ကိုယ် လှန်ထောင်းနေသလို” ဖြစ်နေပါတယ်။ ဒါပေမယ့် အမှန်တရားကို ကွဲကွဲပြားပြား မသိသေးသူတွေအတွက် အမှန်တရားအစစ်က ဘယ်လိုဆိုတာကို ဘက်မလိုက်ဘဲ တင်ပြနေခြင်းသာဖြစ်ပါတယ်။ ဘယ်ပုဂ္ဂိုလ်၊ ဘယ်ပညာကိုမှ ပုတ်ခတ်နေတာမဟုတ်ပါဘူး။ ဒါဟာ တစ်ကယ့်အမှန်တရား တွေဖြစ်တယ်ဆိုတာ သိစေချင်တဲ့ စေတနာပါ။

သိပ္ပံပညာ ဟုတ်တာမဟုတ်တာ အဓိကမကျပါ

ဒါပေမယ့် ဒီလို နက္ခတ်ဗေဒင်ပညာဟာ တစ်ကယ် အစစ်အမှန်မဟုတ်တဲ့ ယူဆချက်တွေပေါ်မှာ အခြေပြုထားပေ မယ့် ဒီပညာကြီး တစ်ခုလုံးဟာ အသုံးမကျဖြစ်သွားပြီလား။ ရေစုန်မျောသွားပြီလား။ အလကား ပညာကြီးဖြစ်သွားပြီလား။ ဒီလိုတော့ မဟုတ်ပါဘူး။ ဒါကိုတော့ ကျွန်တော်လုံးဝ ကန့်ကွက်ပါတယ်။ ပြောခဲ့ပြီးပါပြီ။ နက္ခတ်ဗေဒင်ပညာဟာ Science မဟုတ်ပေမယ့် Occult ဆိုတဲ့ ပညာရပ်ထဲမှာ အကျုံးဝင်နေတဲ့အတွက် သူ့ဂုဏ်နဲ့သူ သီးခြားရပ်တည်နိုင်တဲ့ ပညာတစ်ခု ဖြစ်ပါတယ်။

ပိုပြီးဂုဏ်ယူစရာအကြောင်းတစ်ခုက သိပ္ပံပညာစစ်စစ်အဖြစ် ဂုဏ်ယူဝင့်ကြွားနိုင်တယ်ဆိုတဲ့ နက္ခတ္တပညာ ဆိုတာ ကလည်း  တကယ်တော့ နက္ခတ်ဗေဒင်ပညာကနေ ပေါက်ဖွားလာတဲ့ ပညာတစ်ခုသာ ဖြစ်ပါတယ်။ နက္ခတ္တပညာ က “သား” ၊ နက္ခတ်ဗေဒင်ပညာက “အဖေ” လို့ ဆိုနိုင်ပါတယ်။ အဖြစ်ကတော့ ဒီလိုပါ။

နက္ခတ်ဗေဒင်ပညာရဲ့ မူလအစ

လွန်ခဲ့တဲ့ နှစ်ပေါင်း (၂၆ဝဝ) ကျော် B.C ၆၂၅ ခုနှစ် လောက်မှာ အခု “အီရတ်” နိုင်ငံတည်ရှိတဲ့ နေရာလောက်မှာ ဘေဘီလုံးနီးယန်းယဉ်ကျေးမှု ဆိုတဲ့ လူ့အဖွဲ့အစည်းကြီးတစ်ခု အကြီးအကျယ် ထွန်းကားခဲ့ဘူးပါတယ်။ “ချားလ်ဒီးယန်း အင်ပါယာ” လို့လည်း ခေါ်ပါတယ်။ “ချားလ်ဒီးယန်း” တွေဟာ ပထမအကြိမ်ပျက်သုန်းသွားတဲ့ ဘေဘီလုံမြို့တော် နေရာမှာဘဲ ဒုတိယ ဘေဘီလုံမြို့တော်ကို ပြန်လည်တည်ဆောက်ပြီး “ဒုတိယ ဘေဘီလုံယဉ်ကျေးမှုကြီး” ကို ထွန်းကား စေခဲ့ပါတယ်။ ချားလ်းဒီးယန်းတွေဟာ တခြားသော အနုပညာ၊ စာပေ၊ ဗိသုကာပညာတွေထက် နက္ခတ်ဗေဒင်ပညာ ဘက် မှာ ပိုမို ထူးချွန်ပေါက်မြောက် ခဲ့သူတွေလို့ အဆိုရှိခဲ့ပါတယ်။

ကောင်းကင်မှာ နေလနက္ခတ် တွေရဲ့ လူတွေရဲ့ ကံကြမ္မာ ဆက်စပ်မှုကို လေ့လာတဲ့ နက္ခတ်ဗေဒင်ပညာဟာ ချားလ်ဒီးယန်းလူမျိုးတွေကနေ စတင် ပေါ်ပေါက်လာခဲ့တယ်လို့ ဆိုကြပါတယ်။ ချားလ်ဒီးယန်းတွေဟာ နက္ခတ်ဗေဒင် ပညာကို ဘီစီ (၃ဝဝဝ) ခုနှစ်လောက်ကတည်းက တဖြည်းဖြည်းခြင်း စတင်လေ့လာနေကြပြီလို့ သမိုင်းပညာရှင်တွေက ဆိုကြပါတယ်။ ဒါပေမယ့် အဲဒီခေတ်အခါတုန်းက အခုလို နည်းပညာတွေ မဖွံ့ဖြိုးသေးတဲ့အချိန်ဖြစ်လို့ ဂြိုဟ်တစ်လုံးရဲ့ အကြောင်းကိုသိဖို့ရာအတွက် ရာစုနှစ်ပေါင်းများစွာ အချိန်ယူရပါတယ်။ ဒီလို နှစ်ပေါင်း (၂၄ဝဝ)လောက်ကြာအောင် တဖြည်းဖြည်းခြင်းလေ့လာရာကနေ ဘီစီ (၆ဝဝ)ခုနှစ်လောက်ကို ရောက်လာတဲ့ အချိန်မှာတော့ ချာလ်းဒီးယန်းတွေဟာ နက္ခတ်ဗေဒင်ပညာမှာ ထိပ်တန်းကို ရောက်ရှိလာကြပါတော့မယ်။ နက္ခတ်တာရာတွေရဲ့ အကြောင်းကို ကျန်လူမျိုးစုတွေ ထက် ပိုမိုသိရှိနေပြီလို့ ဆိုနိုင်လောက်ပါတယ်။

အရှေ့ နှင့် အနောက်သို့

ဘီစီ ၆၂၅ ခုနှစ်နောက်ပိုင်းမှာ ဘေဘီလုံနိုင်ငံတော်မှာ ထိပ်တန်းရောက်နေတဲ့ နက္ခတ်ဗေဒင်ပညာဟာ ဘေဘီလုံးနီးယား ဒေသကနေ ဂရိ၊ ဥရောပ နဲ့ အာရှတိုက်ဖက်ကို ပြန့်နှံ့သွားပါတယ်။ ဥရောပတိုက်ဖက်ကို ရောက်သွား တဲ့ နက္ခတ်ပညာဟာ အနောက်တိုင်းနည်းစနစ်အဖြစ် သီးခြား ခွဲထွက်လာပါတယ်။ သူ့ကို (သာယနစနစ်) လို့ ခေါ်ပါတယ်။ အာရှတိုက်ဖက်ကို ရောက်လာတဲ့ နက္ခတ်ပညာကိုတော့ (နိယာယနစနစ်)လို့ ခေါ်ပါတယ်။ အရှေ့တိုင်းမှာ နက္ခတ်ဗေဒင်ပညာဟာ အခြားနိုင်ငံတွေထက် အိန္ဒိယနိုင်ငံမှာ အကြီးအကျယ်ထွန်းကားခဲ့တာကို တွေ့ရပါတယ်။  ဒါပေမယ့် အိန္ဒိယပညာရှင် တွေကတော့ သူတို့ရဲ့ နက္ခတ်ဗေဒင်စနစ်ဟာ တစ်ခြားနိုင်ငံတွေက ရောက်ရှိလာတာမဟုတ်ဘဲ သူ့နိုင်ငံထဲမှာသာ သီးခြား ပေါ်ပေါက်ခဲ့တဲ့ ပညာဖြစ်တယ်လို့ အခိုင်အမာ ငြင်းဆိုနေကြပြန်ပါတယ်။ ဒါကလည်း ဖြစ်နိုင်ခြေရှိတဲ့ ယူဆချက်ဖြစ်တယ် လို့ ထင်ပါတယ်။

ဟိန္ဒူ နဲ့ အီရန် ဆိုတာ အာရိယန်မျိုးနွယ်တွေပါ

ဘာဖြစ်လို့လည်းဆိုတော့ အိန္ဒိယနိုင်ငံကို ဘီစီ (၂ဝဝဝ) ခုနှစ်လောက် ကနေစပြီး “အာရီယန်” မျိုးနွယ်တွေ ဟာ တသုတ်ပြီး တသုတ် ဝင်ရောက်အခြေချ နေထိုင်လာခဲ့ပါတယ်။ ဒီ “အာရိယန်” တွေဟာ အသားဖြူသူတွေဖြစ်ပြီး ဌာနေတိုင်းရင်းသား အသားမည်းသူ “ဒရာဗီးဒီးယန်း” လူမျိုးတွေနဲ့ အမြဲတန်းလိုလို စစ်ပွဲတွေဖြစ်နေခဲ့ကြပြီး ကာလကြာရှည် လာတော့မှ အတူယှဉ်တွဲနေနိုင်လာခဲ့တာဖြစ်ပါတယ်။ အာရိယန်တွေဟာ နောင်အခါမှာ “ဟိန္ဒူအယူဝါဒ” ကို ယူပြီး “ဟိန္ဒူလူမျိုး” အဖြစ်ခံယူကြမယ့် သူတွေဖြစ်ပါတယ်။ ဒီ “အာရိယန်” တွေနဲ့အတူ “မန္တန်ပညာ” နဲ့ “ဝေဒပညာ(၄)မျိုး”ပါ တစ်ပါတည်း ပါလာတယ်လို့ ဆိုကြပါတယ်။ “အာရိယန်” တွေနဲ့အတူပါလာတဲ့ ဒီ ဝေဒပညာ(၄)မျိုး ကတော့ ” ရိဝေဒ” “သာမဝေဒ” “ယဇုဝေဒ” နဲ့ “အထဗ္ဗဏဝေဒ” တို့ဘဲဖြစ်ပါတယ်။ အဲဒီအထဲမှာ ” အထဗ္ဗနဝေဒ” ဆိုတာကတော့ “နက္ခတ် ဗေဒင်” အတတ်ပညာဘဲဖြစ်ပါတယ်။ ဒါပေမယ့် စဉ်းစားရမှာက အဲဒီ “အာရိယန်” ဆိုတဲ့ လူမျိုးတွေဟာ အရှေ့အလယ်ပိုင်း ဒေသတွေကနေ ပြောင်းရွှေ့ ရောက်ရှိလာကြတာဖြစ်ပြီး ချားလ်ဒီးယန်းတွေနဲ့ ယဉ်ကျေးမှုခြင်း၊ နယ်နိမိတ်ခြင်း နီးနီးစပ်စပ် နေခဲ့ကြသူတွေလည်းဖြစ်တယ် ဆိုတာပါဘဲ။ အာရိယန်လူမျိုးတွေရဲ့ ဘူမိနက်သန်ဖြစ်တဲ့ ယခု “အီရန်” နိုင်ငံတည်နေရာ နဲ့ ချားလ်ဒီယန်းတွေ တန်ခိုးထွား ခဲ့ဘူးတဲ့ ဘာဘီလုံးနီးယား (ယခု “အီရတ်” နိုင်ငံ) တို့ဟာ ရှေးယခင်ကတည်းက  နယ်နိမိတ်ခြင်း ထိစပ်နေနဲ့ နေရာတွေပါ။

ဒါကြောင့် နောက်ပိုင်းကျမှာသာ သူ့လူမျိုးနဲ့သူ ကိုယ်ပိုင်ပညာရပ်အဖြစ် အသီးသီး တိုးတက်ချဲ့ထွင် လာကြတာ ဖြစ်ပေမယ့် မူလဘူတကတော့ ဒီနက္ခတ် ဗေဒင်ပညာဟာ အရှေ့အလယ်ပိုင်းဒေသကနေ သန္ဓေတည်ခဲ့တာလို့ ယူဆရင်တော့ မျှတမှု ရှိတဲ့ အယူအဆတစ်ခု ဖြစ်မယ်လို့ ထင်ပါတယ်။

နက္ခတ်ဗေဒင်ပညာ နဲ့ နက္ခတ္တပညာတို့လမ်းခွဲကြပြီ

ဥရောပနိုင်ငံတွေဘက်ကို ရောက်လာတဲ့ နက္ခတ်ဗေဒင်ပညာရှင်တွေထဲမှာ တိုးတက်တဲ့ အယူအဆရှိတဲ့ ပညာရှင်တွေ အများအပြား ပေါ်ပေါက်လာခဲ့ပါတယ်။ “တော်လမီ၊ တိုင်ကိုဘရန့်ခ်ျ၊ ဂလီလီယို၊ ပိုင်သာဂိုးရပ်စ်၊ နီးကိုးလပ်စ် ကော့ပါးနီးကပ်စ်၊ ကက်ပလာ နဲ့ ဂျွန်ဒီးစ်”  တို့ဟာ ထင်ရှားတဲ့ သချာင်္ နဲ့ နက္ခတ်ပညာရှင်တွေဖြစ်ပါတယ်။ ဒီအထဲမှာ “နီးကိုးလပ်စ် ကော့ပါးနီးကပ်စ်” ဆိုတဲ့ ပညာရှင်က  ကမ္ဘာကို နေက ပတ်တာမဟုတ်ဘဲ နေကိုသာ ကမ္ဘာအပါအဝင် ကျန်တဲ့ဂြိုဟ် တွေက လှည့်ပတ်နေတာသာဖြစ်တယ်” ဆိုတဲ့ အယူအဆကို ဖော်ထုတ်ကြေငြာ လိုက်ပြီးတဲ့အချိန်ကနေစပြီး နက္ခတ်ဗေဒင် ပညာရှင်တွေထဲမှာ အကွဲအပြဲတွေ ဖြစ်လာပါတယ်။ အဲဒီအကွဲအပြဲတွေကနေ တိုးတက်တဲ့ အယူအဆရှိပြီး သိပ္ပံပညာကိုသာ သီးသန့်လေ့လာချင်တဲ့သူများ ပေါ်ထွက် လာကြပါတယ်။ သူတို့ဟာ ရှေ့ဖြစ်ဟော ဗေဒင်ပညာကို စွန့်လွှတ်လိုက်ကြပြီး ဂြိုဟ်၊နက္ခတ်တွေ နဲ့ စင်္ကြာဝဠာ အကြောင်းကို ပကတိအတိုင်း လေ့လာကြတော့မယ် ဆိုပြီး နက္ခတ်ဗေဒင်ပညာကနေ လမ်းခွဲထွက်လိုက်ကြပါတော့တယ်။ အဲဒီအချိန်ကနေစပြီး “နက္ခတ္တဗေဒAstronomy ဆိုတဲ့ သိပ္ပံပညာဟာ စတင်ပေါ်ပေါက်လာခဲ့တာဖြစ်ပါတယ်။

ဒီပညာရဲ့ အကျိုးကျေးဇူးကြောင့် လူတွေဟာ စင်္ကြာဝဠာကြီး အကြောင်းကို ပိုမိုသိရှိလာကြပြီး ဒုံးပျံ နဲ့ ဂြိုဟ်တုတွေ တင်လွှတ်ပြီး “လ” ပေါ်နဲ့ အာကာသဟင်းလင်းပြင်ထဲမှာ ခြေချနိုင်သည်အထိ ဖြစ်လာခဲ့ကြပါတယ်။ သောကြာဂြိုဟ်၊ အင်္ဂါဂြိုဟ် နဲ့ စနေဂြိုဟ်တွေပေါ်ကို အာကာသယဉ်တွေ လွှတ်တင်နိုင်ခဲ့ကြပါတယ်။ တစ်ချိန်တုန်းက ညအခါမှာ ကောင်းကင်ပေါ်ကို မျှော်ငေးကြည့်ရတဲ့ ဂြိုဟ်တွေ ဆီကို လူကိုယ်တိုင် အရောက်သွားနိုင်ဖို့ အထိ ကြိုးစား လာကြပါပြီ။ အခုအချိန်မှာ လပေါ်ကိုခြေချနိုင်ခဲ့ပြီး သိပ်မဝေးတဲ့အချိန်မှာ အင်္ဂါဂြိုဟ် နဲ့ စနေဂြိုဟ်များပေါ်ကို လူသားတွေ ခြေချ နိုင်ဖွယ်ရှိပါတယ်။

နက္ခတ်ဗေဒင်ပညာကို မစွန့်လွှတ်နိုင်ကြခြင်း

ဒီလို နက္ခတ္တပညာရပ်ဟာ သိပ္ပံပညာတစ်ခုအဖြစ် ဖွံ့ဖြိုးတိုးတက်လာကြောင့် မူလအစ(လက်ဟောင်း) ဖြစ်တဲ့ နက္ခတ်ဗေဒင်ပညာဟာ ပျောက်ကွယ်သွားသလားဆိုတော့ ပျောက်ကွယ်မသွားခဲ့ပါဘူး။ ဒီလို ပျောက်ကွယ်သွားခြင်း မရှိတာဟာ သူ့မှာလည်း ကောင်းတဲ့အချက် တစ်ခုတော့ ရှိလို့ဆိုတာကို သက်သေပြ နေခြင်းဖြစ်ပါတယ်။

ယနေ့အလွန်တိုးတက်လှ ပါတယ်ဆိုတဲ့ (၂၁)ရာစုခေတ် အချိန်ထိအောင် ကမ္ဘာ့လူဦးရေ အများစုဟာ  နက္ခတ်ဗေဒင်ပညာကို လက်ခံလျှက် ရှိနေပါ သေးတယ်။ အမေရိကန်နိုင်ငံလို အလွန်တိုးတက်ပြီး ရုပ်ဝါဒီ လွှမ်းမိုးတဲ့ နိုင်ငံမှာတောင်မှ ဗေဒင်ပညာကို ပွင့်ပွင့်လင်းလင်း ယုံကြည်သူပေါင်း သန်းပေါင်းများစွာရှိပါတယ်။ ယုံကြည်ပါတယ်လို့ ပွင့်ပွင့်လင်းလင်း ဝန်မခံတဲ့သူတွေလည်း သန်းပေါင်းများစွာ ရှိပါတယ်။ အမေရိကန်နိုင်ငံမှာ ဂုဏ်သိက္ခာရှိပြီး စောင်ရေ သန်းနဲ့ချီပြီး ထုတ်ဝေ ရတဲ့ ” နယူးယောက်တိုင်းမ်” လို သတင်းစာကြီးမှာ ဗေဒင်အခန်းကဏ္ဍ အမြဲတန်း ပါဝင်နေတာကို ကြည့်ခြင်းအားဖြင့် အမေရိကန်နိုင်ငံသားတွေထဲမှာ ဗေဒင်ယုံကြည်သူ အလွန်များပြားလို့သာဖြစ်ကြောင်း သက်သေပြ နေပါတယ်။

အနာဂါတ်ကို ပြောပြနိုင်တဲ့ ထိုပညာ

လူတွေဟာ ဗေဒင်ပညာကို ဘာလို့ စိတ်ဝင်စားကြသလဲ။ အလွန်တိုးတက်ပါတယ်ဆိုတဲ့ ယနေ့ခေတ် ထိအောင် ဘာဖြစ်လို့လက်ခံနေကြသလဲ။ ဒါကရှင်းပါတယ်။ အလွန်တိုးတက်လာတဲ့ ခေတ်ကြီးထဲမှာ လူတွေဟာ ဟိုးအရင်တုန်းက မသိခဲ့ကြတဲ့ အကြောင်းအရာပေါင်းများစွာကို သိပ္ပံပညာအကူအညီကြောင့် သိရှိလာကြပေမယ့် ကိုယ်ကိုယ်တိုင်ရဲ့ အနာဂါတ် ကို တော့ မသိနိုင်ကြသေးတဲ့ အကြောင်းကြောင့်ပါ။

“လူတိုင်းလောက်နီးနီး” ကိုယ့်ရဲ့ အနာဂါတ်ကို သိချင်ကြပါတယ်။ ရှေ့နှစ်မှာ ကိုယ်ဘာဖြစ်မလဲသိချင်ကြပါတယ်။ ကိုယ်ဘယ်သူနဲ့ အိမ်ထောင်ကျမလဲ ဆိုတာသိချင်တယ်။ အိမ်ထောင်ရေး၊ စီးပွားရေး အဆင်ပြေမလားဆိုတာ သိချင်ကြတယ်။ စီးပွားရေးအခက်အခဲကနေ လွတ်မြောက်နိုင်မလား ဆိုတာကို သိချင်ကြတယ်။ ဘယ်တော့ ချမ်းသာမယ်၊ ရာထူးတက်မယ်ဆိုတာကို သိချင်ကြတယ်။  ဒါတွေကို ကျန်တဲ့ သိပ္ပံပညာတွေက ပြောမပြနိုင်ကြပါဘူး။ ဒါပေမယ့် နက္ခတ်ဗေဒင်ပညာက ဖြေရှင်းပေးနိုင်ပါတယ်။  အမှန်တရားနဲ့(အနီးစပ်ဆုံး) ကို ပြောနိုင်ပါတယ်။ သူ့ဟာသူ သိပ္ပံနည်း ကျတာ မကျတာ ထား။ ဒီလို ပြောနိုင်တာဟာ ဂုဏ်အရည်အချင်းတစ်ခုပါဘဲ။

ရှေ့ဖြစ်ဟောဗေဒင်ပညာထဲက ပညာတစ်ခုမျှသာ

နက္ခတ်ဗေဒင်ပညာဆိုတာ တကယ်တော့ “ရှေ့ဖြစ်ဟောဗေဒင်ပညာ” ဆိုတဲ့ မိခင် ဘာသာရပ်ကြီးတစ်ခုထဲက ပညာရပ်အခွဲ တစ်ခုသာ ဖြစ်ပါတယ်။ ဗေဒင်ပညာဆိုတာ အများကြီးရှိပါတယ်။ လူတွေတော်တော်များများသိကြတာတော့ ဗေဒင်ဆရာ ဆိုတာ အနာဂါတ်ကို ဟောတဲ့ ဆရာဆိုတာတော့ သိကြပါတယ်။ ဒါပေမယ့် ဘာပညာကို သုံးပြီး ဟောပြော ကြသလဲ ဆိုတာတော့ မသိကြပါဘူး။ လက္ခဏာပညာ နဲ့ ဗေဒင်ပညာကိုလည်း အတူတူဘဲလို့ ထင်ကြတဲ့အတွက် ဗေဒင်ဆရာရှေ့ ရောက်လာရင် လက်ဖဝါးကို အရင်ဆုံး ဖြန့်ပြတတ်ကြပါတယ်။ တစ်ကယ်တော့ လက္ခဏာပညာ ဆိုတာ ကလည်း “အတတ်ဟောဗေဒင်ပညာရပ်ကြီး” တစ်ခုလုံးထဲမှာ ပါဝင်နေတဲ့ ပညာရပ် တစ်ခုမျှသာဖြစ်ပါတယ်။

နက္ခတ်ဗေဒင်၊ မဟာဘုတ်၊ သုံးတန်ပေါ်နိစ်၊ အင်္ဂဝိဇ္ဇာ၊ ဂဏန်းဗေဒင် ၊ တားရော့ဗေဒင်၊ ကြွေဗေဒင်၊ ဖဲဗေဒင်၊ တူဗေဒင်၊ ယိချင်းဗေဒင်၊ လက္ခဏာပညာ၊ ဆန်းပညာ၊ အင်္ဂရုပ်ပညာ၊ ဖန်လုံးကြည့်ဟောတဲ့ပညာ၊ အကြားအမြင်ပညာ၊ အယူတော်မင်္ဂလာ နိမိတ်ပညာ စတဲ့ ရှေ့ဖြစ်ဟောတဲ့ ပညာဟူသမျှ ဗေဒင်ပညာချည်း ပါဘဲ။ သီးခြားစီ လေ့လာရတဲ့ ပညာတွေဖြစ်ပါတယ်။

လမ်းဘေးမှာ ဟောနေတဲ့ ကြွေဗေဒင်ပညာနဲ့ လေအေးပေးစက်တပ်ထားတဲ့ အခန်းကြီးထဲမှာ လက်ပ်တော့ ကွန်ပျူတာနဲ့ တွက်ချက်ဟောနေတဲ့ နက္ခတ်ဗေဒင်ပညာဟာ သဘောတရားကတော့ အတူတူပါဘဲလို့ ပြောလိုက်လို့ နက္ခတ် ဗေဒင်ပညာရှင်တွေ တော်တော် အခံရခက် သွားကြ မလား မသိပါဘူး။ ဒါပေမယ့် ဒါဟာ အမှန်တရား ဆိုတာ မငြင်းနိုင်ပါဘူး။ ဘယ်ဗေဒင်မျိုးဘဲဖြစ်ဖြစ် အားလုံးဟာ ရှေ့ဖြစ်ကို ဟောကြတာချည်းမဟုတ်လား။

အဟော မှန်ကန်ဖို့သာ အဓိကပါ

ငှက်ပစ်တဲ့နေရာမှာ လောက်လေးဂွနဲ့ဘဲ ပစ်ပစ်၊ လေသေနတ်နဲ့ဘဲ ပစ်ပစ် အဓိက အချက်ကတော့ ငှက်ကို ထိမှန်ဖို့သာ ဖြစ်ပါတယ်။ မဟာဘုတ်နဲ့ ဟောဟော၊ K.P စနစ် နဲ့ဟောဟော၊ တြိစက္က နဲ့ဟောဟော၊ အဋ္ဌဝဂ္ဂ နဲ့ဟောဟော၊ သရောဒယ နဲ့ဟောဟော ၊ နဒီ နဲ့ဟောဟော မှန်ကန်ဖို့သာ အဓိကကျပါတယ်။ ဗေဒင်လောကမှာ အဆင့်မြင့်ပါတယ် လို့ သတ်မှတ်ထားတဲ့ K.P ပညာရှင်တို့၊ နက္ခတ်ပညာရှင်တို့၊ သရောဒယပညာရှင်တို့၊ ကွန်ပျူတာ ပရိုဂရမ်မာတို့ စတဲ့ နာမည်တွေကို ခံထား ပေမယ့်လည်း လက်တွေ့ဟောပြောတဲ့နေရာမှာ “မဟာဘုတ်” နဲ့ “သုံးတန်ပေါ်နိစ်” တို့ လောက်မှ မမှန်ဘူးဆိုရင်လည်း သိပ်ဟန်မကျလှပါဘူး။ လေသေနတ်ကြီး တရမ်းရမ်းနဲ့ ဟန်ရေးပြ နေပေမယ့် ငှက်တစ်ကောင်မှ မရတဲ့လူလိုဖြစ်နေမှာပါ။

ကျွန်တော်ကိုယ်တိုင်လည်း တစ်ချိန်က K.P (ကေပီ) သမား၊ နက္ခတ်ဗေဒင် သမား တစ်ဦး ဖြစ်ခဲ့ပြီး “မဟာဘုတ်၊ မဟုတ်ပါ” လို့ ရှုတ်ချခဲ့ပြီး၊ ကိုယ်ကိုယ်ကို  K.P (ကေပီ) သမားလို့ ဂုဏ်ယူဝင့်ကြွားခဲ့ဘူးပေမယ့် အခုအချိန်မှာတော့ မဟာဘုတ်နဲ့ အင်္ဂဝိဇ္ဇာကို မြတ်မြတ်နိုးနိုး လေ့လာနေရပါပြီ။ အပေါ်ယံလောက်သာ လျှပ်မကြည့်ဘဲ နက်နက်နဲနဲ လေ့လာကြည့်ရင် ဘယ်ပညာမဆို လျှို့ဝှက်ချက်တွေရှိပါတယ်။ အပေါ်ယံကြည့်ရုံနဲ့ အထင်ကြီးမှု၊ အထင်သေးမှု မဖြစ်သင့်ပါဘူး။ နက်နက်နဲနဲလိုက်ကြည့်ပါ။ ရေဆုံးရေဖျားလိုက်ကြည့်ပါ။ လက်တွေ့သုတေသန လုပ်ကြည့်ပါ။ လျှို့ဝှက်ချက်တွေကို တွေ့လာပါလိမ့်မယ်။

ဗေဒင်ပညာရဲ့ ဖွင့်ဆိုချက် အဓိပ္ပါယ်အစ်အမှန်

ဒီတော့ သိပ္ပံပညာလို့ မခေါ်ဆိုနိုင်တဲ့ ဗေဒင်ပညာကို အဓိပ္ပါယ်ဖွင့်ဆိုပြရမယ် ဆိုရင်တော့ ” ဗေဒင်ပညာဆိုတာ အရာဝတ္တု တစ်ခုခုအပေါ်မှာ အခြေခံ၊ အစွဲပြုပြီး ဟောကိန်းထုတ်တဲ့ ပညာ” သာ ဖြစ်ပါတယ်။ ကြွေဗေဒင်သမားက ကြွေစေ့တွေရဲ့ အနေအထားကို ကြည့်ပြီး ဟောကိန်းထုတ်မယ်။ မဟာဘုတ်သမား က မဟာဘုတ်ခွင်အပေါ်မှာ ကြည့်ပြီး ဟောကိန်းထုတ်မယ်။ တားရော့ ဗေဒင်သမား က တားရော့ကဒ်ကလေးတွေရဲ့ အနက်အဓိပ္ပါယ်ကို ဖွင့်ဆိုပြီး ဟောကိန်း ထုတ်မယ်။ အယူတော်မင်္ဂလာ (နိမိတ်) သမားက မြင်ရ၊ ကြားရတဲ့ အဆင်း၊ အသံ တွေအရ ဟောကိန်းထုတ်မယ်။ အဲသည်လိုပါဘဲ – နက္ခတ်ဗေဒင်ပညာ ဆိုတာ တနင်္ဂနွေ၊ တနင်္လာ၊ အင်္ဂါ ၊ စနေ … စတဲ့ ဂြိုဟ်တွေရဲ့ အနေအထားကို ကြည့်ပြီး ဟောကိန်းထုတ်တာမျိုးပါဘဲ။

လူ့တို့၏ ကံကြမ္မာကို ဖန်တီးသူ

တကယ်တော့ တားရော့ကဒ်ကလေးတွေက လူ့ကံကြမ္မာကို ဖန်တီးနေတာ မဟုတ်ပါဘူး။ ကြွေစေ့တွေက လူ့ကံကြမ္မာကို ဖန်တီး နေတာမဟုတ်ပါဘူး။ ဆန်းတိုင်၊ မဟာဘုတ်ခွင်တွေက လူ့ကံကြမ္မာကို ဖန်တီးနေကြတာ မဟုတ်ပါဘူး။ ဂြိုဟ်တွေ၊ နက္ခတ်တွေ၊ ရာသီခွင်တွေကလည်း လူ့ကံကြမ္မာကို ဖန်တီးနေတာမဟုတ်ပါဘူး။ သူတို့ တစ်တွေ ရဲ့ အနေအထားကိုကြည့်ပြီး နိမိတ်ဖတ်ကြတာသာ ဖြစ်ပါတယ်။ ကံကြမ္မာကို သိဖို့ကြိုးစားကြတာဖြစ်ပါတယ်။ လူ့ကံကြမ္မာ ဆိုတာ သူ့ဟာနဲ့သူ ရှိပြီးသားပါ။ ကိုယ်ကိုယ်တိုင်လုပ်ခဲ့တဲ့ ကုသိုလ်၊ အကုသိုလ်တွေလို့ဘဲပြောပြော၊ ဘုရားသခင်တွေက ဖန်ဆင်းစီရင် ပေးလိုက်တယ်လို့ဘဲဆိုဆို လူတိုင်းလူတိုင်းမှာ ကံကြမ္မာကိုယ်စီ ပါလာကြပြီးသားပါ။ ဒီကံကြမ္မာတွေကို သိနိုင်ဖို့ အရာဝတ္တု တစ်ခုခုကို အသုံးပြုပြီး နိမိတ်ဖတ်ကြ၊ ဟောပြောကြတဲ့ ပညာတွေကို ဗေဒင်ပညာ လို့ ခေါ်ဆိုကြတာဘဲ ဖြစ်ပါတယ်။

ပညာကမှန်တာလား၊ လူကမှန်တာလား

ရှေ့ဖြစ်ဟောဗေဒင်ပညာတစ်ခုရဲ့ မှန်ကန်မှုဟာ အသုံးပြုတဲ့ ပညာအမျိုးအစားထက်စာရင် အသုံးပြုသူ (ပညာရှင်)ရဲ့ ကဏ္ဍက ပိုပြီးအရေးပါတယ် ဆိုတာ အထင်အရှားတွေ့ရပါတယ်။ ဗေဒင်ပညာတစ်ခုရဲ့ မှန်ကန်မှုဟာ နက္ခတ်ဗေဒင်ပညာဖြစ်တာ၊ မဟာဘုတ်ဖြစ်တာ၊ အကြားအမြင်ဖြစ်တာထက်စာရင် ပညာရှင်ရဲ့ အတိတ် ပါရမီ၊ မိမိပညာအပေါ်မှာ နက်နက်ရှိုင်းရှိုင်းသိမြင်မှု၊ ထိုးထွင်းကြံဆ တတ်မှုတွေဟာ ပိုမိုအရေးပါပါတယ်။

ဗေဒင်ပညာမှာ ပုံသေဆိုတာ မရှိပါဘူး။ သီအိုရီ ဆိုတာရှိပေမယ့်လည်း အမြဲတမ်း မမှန်နိုင်ပါဘူး။ မြန်မာ့ရိုးရာ သက္ခတ်ပညာအရ  အင်္ဂါ၊ ဗုဒ္ဓဟူး၊ စနေဂြိုဟ်တွေမှာ ဖြတ်သန်းရင် မကောင်းဘူး၊ မရဏ နဲ့ ဘင်္ဂဂြိုဟ်သက္ခတ်ကို ဖြတ်သန်းချိန်မှာ မကောင်းဘူးဆိုတဲ့ သီအိုရီတွေ ရှိပေမယ့် အမြဲတမ်းတော့ မမှန်နိုင်ပါဘူး။ နက္ခတ်ပညာမှာလည်း စန်းဆိုတဲ့ (တနင်္လာဂြိုဟ်)အပေါ်စနေဂြိုဟ် ဖြတ်သန်းရင် ဒုက္ခမျိုးစုံ တွေ့တတ်တယ်ဆိုတဲ့(အလွန်လူသိများတဲ့) သီအိုရီ တစ်ခုရှိပေမယ့် အမြဲတမ်းမမှန်တတ်ပါဘူး။ ပထမအခါဖြတ်တုန်းက ဒုက္ခရောက်ခဲ့ပေမယ့် ဒုတိယတစ်ခါအဖြတ်မှာ ဘာမှ မဖြစ်တာမျိုးလည်း ရှိပါတယ်။ ဘယ်အကြိမ်မှာ ဖြစ်မယ်၊ ဘယ်အကြိမ်မှာ လွတ်မယ်ဆိုတာ ဆုံးဖြတ်နိုင်တာ ပညာပါရမီ ပါဘဲ။ ဗေဒင်ပညာရှင်တစ်ယောက်နဲ့ တစ်ယောက်ကွာခြားသွားတာဟာ-  သီအိုရီအရ အကောင်း/အဆိုး တွေ့နေပေမယ့် တစ်ကယ် ဖြစ်မယ်/မဖြစ်ဘူးဆိုတာ ဆုံးဖြတ်နိုင်တဲ့ ပါရမီပါဘဲ။

ဗေဒင်ဟောပြောချက်တွေဟာ မှန်တဲ့အခါမှန်မယ်၊ မှားတဲ့အခါမှားမယ်။ ဒါပေမယ့် ရာခိုင်နှုံးအရပြောရရင် အမှန် များပါတယ်။ မှန်ကန်မှု ဆိုတဲ့နေရာမှာလည်း ပညာရပ်က ကိန်းကြီးခန်းကြီး ဖြစ်တာက အဓိကမကျပါဘူး။ ဟောပြောတဲ့ ပုဂ္ဂိုလ်ကသာ အဓိက ကျပါတယ်။ နက္ခတ်ဗေဒင်ပညာမှာ ဆရာတစ်ဆူဖြစ်ပြီး သင်တန်းတွေပို့ချသင်ကြားနေပေမယ့် လက်တွေ့ ဟောပြောမှုမှာ သိပ်မမှန်လှတဲ့ ပညာရှင်တွေကို  တွေ့ရတတ်သလို  (၇)ခုစား(၈)ခုစား ဗေဒင်နဲ့ ဟောပြီး လက်ဖျားခါ လောက်အောင် မှန်သူတွေလည်း အများကြီးပါ။

နောက်ဆုံးအကျဉ်းချုပ်ပြောရရင်တော့ -  နက္ခတ်ဗေဒင်ပညာဘဲဖြစ်ဖြစ်၊ နက္ခတ်တွေမပါတဲ့ ဗေဒင်ပညာဘဲဖြစ်ဖြစ် အားလုံးဟာ သိပ္ပံပညာမဟုတ်ကြပါဘူး။ တစ်စုံတစ်ခုကို အစွဲပြုပြီး လူ့ကံကြမ္မာကို ခန့်မှန်းပြောကြားတဲ့ ပညာတစ်ခုသာ ဖြစ်ပါတယ်။ သိပ္ပံပညာမဟုတ်တဲ့အတွက် အမြဲတန်းမမှန်ပါဘူး။ ဗေဒင်ပညာတွေရဲ့ သီအိုရီတွေဆိုတာက အဖြစ်များတဲ့၊ ရာခိုင်နှုံးများတဲ့ အပေါ်မှာ အခြေခံထားတာသာဖြစ်ပြီး မှားတဲ့အခါလည်း ရှိပါတယ်။ (ဒါကြောင့် ဗေဒင်ပညာ ကို သိပ္ပံပညာစာရင်းမှာ မသွင်းကြတာပါ)။ ဒါပေမယ့် အမှားနဲ့အမှန် နှိုင်းယှဉ်ရင် အမှန်က ပိုများတာကြောင့် ပညာရပ် တစ်ခုအဖြစ် ယနေ့ထိအောင် ရပ်တည်နေတာဖြစ်ပါတယ်။ အမှားရာခိုင်နှုံးကသာ ပိုများ နေရင် ဒီပညာဟာ ပျောက်ကွယ် သွားတာ ကြာလှပြီပေါ့။

တစ်ခုတော့ သတိပေးပါရစေ

ဗေဒင်မေးသူ၊ ဝါသနာပါသူတွေကိုလည်း သတိပြုစေချင်တာက လူ့ကံကြမ္မာဆိုတာ မွေးလာ ကတည်းက ပါလာပြီးသားပါ။ အတိတ်က ကံကြမ္မာကို ပြုပြင်ဖို့ဆိုတာ အလွန်ခဲယဉ်းလှပါတယ်။ “ဆရာ့ရှေ့မှာ လက်ဝါးနှစ်ဖက် ဖြန့်ပြလိုက်တာ နဲ့ ချက်ခြင်း ကြီးပွားသွားစေရမယ်” ဆိုတာမျိုး “ဆရာနဲ့ တွေ့သူတိုင်း ကံကောင်းကြသည်” တို့ “ထီဆုကြီးကြီးတစ်ခုပေါက်ချင်လျှင် ဆရာထံသာ ကြွခဲ့ပါ” ဆိုတာမျိုး တွေဟာ ဖြစ်နိုင် မဖြစ်နိုင် စဉ်းစားကြည့်ကြပါ။ ဗေဒင်ဆရာ ဆိုတာမျိုးဟာ တန်ခိုးရှင်တွေ မဟုတ်ပါဘူး။ ဖန်ဆင်းရှင်တွေ မဟုတ်ပါဘူး။ အလုပ်လုပ်မှ ထမင်းစား ကြရသူတွေပါ။ အလုပ်မလုပ်ဘဲ ဇိမ်နဲ့နေနိုင်ရင် ဘယ်ဗေဒင်ဆရာမှ ဗေဒင်ဟော စားကြမှာ မဟုတ်ပါဘူး။ (ဝါသနာပါလွန်းလို့ ချမ်းချမ်းသာသာ နေနိုင်လျှက်နဲ့ ဗေဒင်ဟော နေကြတဲ့သူတွေရှိရင်တော့ မပြောတတ်ဘူး)။ “သင့်ကို ချမ်းသာအောင် လုပ်ပေးနိုင်တယ်” ဆိုတဲ့လူဟာ သူ့ကိုယ်သူကော ချမ်းသာအောင် လုပ်နိုင်ရဲ့လားဆိုတာ လေ့လာ ဆန်းစစ်သင့်လှပါတယ်။

ရာနှုံးပြည့်မှန်တဲ့ ဗေဒင်ပညာရှင်မရှိပါ

ဘယ်လောက်တော်တဲ့ ဗေဒင်ဆရာဖြစ်စေဦး၊ သူရဲ့ ဗေဒင်ဟောကြားချက်တွေ အားလုံးဟာလည်း အမြဲတန်း မမှန်နိုင်ပါဘူး။ သူများတွေရဲ့ အနာဂါတ်ကို ဟောပြောနိုင်တယ် ဆိုတဲ့ ဗေဒင်ဆရာတွေဟာ ကိုယ့်ရဲ့ အနာဂါတ်ကိုတော့ သိပ်မပြောနိုင်ကြတာကို တွေ့ရပါတယ်။ ကျွန်တော်တို့ ဗေဒင်လောကထဲမှာ သူများကိုသာ မှန်အောင် ဟောနိုင်ပြီး ကိုယ့်ဟာကိုယ် ကျတော့ မှန်အောင် မဟောနိုင်သူတွေ အများကြီးပါ။ ရယ်စရာတော့လည်း အကောင်းသား။ သူများကို သာ ရှေ့နှစ်မှာ ဘာဖြစ်မယ်၊ ညာဖြစ်မယ် ဟောကြပေမယ့် ကိုယ်ကိုယ်တိုင် ရှေ့နှစ်မှာ ဘာဖြစ်မယ်ဆိုတာကို မသိကြတဲ့ ဗေဒင်ဆရာတွေက အရေအတွက်ပိုများပါတယ်။

မြန်မာနိုင်ငံမှာ အလွန်ထင်ရှား ကျော်ကြားခဲ့တဲ့ နိုင်ငံကျော် ဗေဒင်ဆရာကြီးအတော်များများဟာ ကိုယ် ကွယ်လွန်မယ့် နှစ်ကို ကြိုတင်ပြောကြားခဲ့ချိန် နဲ့ တကယ် ကွယ်လွန်ချိန်တို့ဟာ တခြားစီဖြစ်နေကြတာ များပါတယ်။ တစ်ချို့ စောပြီးကွယ်လွန် သွားကြတယ်။ တစ်ချို့ နောက်ကျပြီးမှ ကွယ်လွန်သွားတယ်။ နာမည်တွေကိုတော့ ထုတ်ဖော် မပြောလိုတော့ပါဘူး။ ဒါပေမယ့် သူပြောတဲ့အတိုင်း ကွယ်လွန်သွားတဲ့ တစ်ယောက်ကိုတော့ နာမည်ထုတ်ဖော် ပြောချင်ပါတယ်။ သူကတော့ “မဟာဘုတ်ပညာရှင် ဆရာကြီး ဦးကြာမြင့်” ဖြစ်ပါတယ်။

ဆရာကြီး ဦးကြာမြင့်ဟာ မကွယ်လွန်မှီ တစ်နှစ်ကြိုပြီး “ငါ နောက်နှစ်မှာ သေတော့မယ်ကွ” လို့ အေးအေး ဆေးဆေးပြောပြခဲ့တာကို ကြားရတဲ့ သက်သေတွေ အများကြီးရှိပါတယ်။ ကျွန်တော်ကိုယ်တိုင်လည်း တစ်ဆင့်စကားနဲ့ ကြားလိုက်ရပါတယ်။ အဲဒီအချိန်မှာ သူ ဘာရောဂါမှ မဖြစ်သေးပါဘူး။ နောက်နှစ်မှာဘဲ ကင်ဆာရောဂါဖြစ်တယ် လို့ ကြားလိုက်ရပြီး သိပ်မကြာခင်မှာဘဲ ကွယ်လွန် သွားပါတယ်။ ဒီတစ်ယောက်တော့ မှန်မှန် ကန်ကန်ပြောနိုင်တာကို ကြားဖူး ပါတယ်။ ဒီလိုပြောပြလို့ ကျွန်တော့်ကို ဆရာကြီးဦးကြာမြင့်ရဲ့ တပည့်လို့တော့ မထင်လိုက်ပါနဲ့။ ဦးကြာမြင့်ကို ကျွန်တော်ဟာ လေးစားရုံမျှသာရှိပြီး တပည့်တစ်ဦးမဟုတ်ရုံမက၊ သူကွယ်လွန်သွား သည်အထိ  သူနှင့်ကျွန်တော် တစ်ကြိမ်တစ်ခါမျှ မတွေ့ဖူးကြောင်းပါ ခင်ဗျား။

လူအချင်းချင်း၊ လှည့်ပတ်ခြင်းမှ   ကင်းဝေးနိုင်ကြပါစေ။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

« »

2 thoughts on “# နက္ခတ္တပညာ နှင့် နက္ခတ်ဗေဒင်ပညာ”

  1. အင်မတန်ကောင်းတဲ.စာစုပါဘဲ ။ ဆ၇ာ.ကိုသိပ်ကျေးဇူးတင်ပါတယ် ။ ဆ၇ာ. blog ကိုကျမသိတာခုမှ တလလောက်ဘဲ ၇ှိပါသေးတယ် ။ အသိနောက်ကျလေခြင်းလို.လဲ ယူဆပါတယ် ။ ဒေင်ပညာကိုသာလေ.လာနေပေမဲ. ကျမ ခုလိုဗေဒင်ဗဟုသုတတွေကိုမသိခဲ.ပါဘူး ။ ဒီလိုဗဟုသုတတွေ ၊ ပညာ၇ပ်တွေကို ဖြန်ဝေပေးတဲ.ဆ၇ာ.ကို တအားလေးစားပါတယ် ။ နောင်နှစ်ပေါင်းများစွါထိ ခုလိုဘဲ ပညာတွေဖြန်.ဝေနီုင်ပါစေလို. ဆုတောင်းမေတ္တာပို.ပါတယ် ။

  2. http://astro.technohalo.com/2010/10/blog-post_29.html ဒီလင့်မှာ ဆရာ့ပိုစ့်ကို ညွှန်းထားပါတယ်ခင်ဗျ။

    ကိုပခန်း

Leave a Reply

Your email address will not be published. Required fields are marked *


− 3 = two

* Copy This Password *

* Type Or Paste Password Here *

1,240 Spam Comments Blocked so far by Spam Free Wordpress

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Current day month ye@r *